|
آرشيو ا
ادبيات ا
اوشاق ا
قادين
ا
رئداكتوردان
|
ديلسيزله شمه ميزين قيسسا تاريخي: مشروطه
يئنيلگيسي و انجومن-ي آزربايجان يانيلقيسي مئهران
باهارلي "مشروطه" يئنيلگيسي تورك و آزربايجانلي شخصييت و
آخيملار آراسيندا، ايران مشروطه حركتي´ني باشاريلي بير اولوسال
ترپه نيش (حركت) اولاراق گٶره نلرين ساييسي هئچ ده آز دئييلدير.
اونلار بو ترپه نيشه (حركته) قاتيلانلاري، اونون جرگه لرينده
اٶزلريندن قوچاقليق، ايگيدليك، باهاديرليق و آلپليق گٶسته ره نلري
آزربايجان و تورك خالقينين اولوسال (ميللي) قهرماني دييه سونور،
آنير و آغيرلاييرلار. مشروطه حركتي´نه قاتيلانلار، قوچاق، ايگيد،
آلپ و باهادير اولابيله رلر، و بو ترپه نيش (حركت) اٶزه لليكله
دوغوردوغو يٶنه تگيل (سيياسي) سونوجلار آچيسيندان، فارس بودونو
(خالقي) و فارسيستان اٶلكه سي اوچون سون درجه اوغورلو بير تاريخي
اولاي ساييلابيله ر. آنجاق بو ترپه نيش (حركت)، تورك خالقي و
آزربايجان اٶلكه سي اوچون كسينليكله نه باشاريلي و نه ده اولوسال
اٶزه لليكلري، ايچه رييي، قازانيملاري اولان بير حركت دئييلدير.
حتتا ياخشيجا ايرده له
ندييينده،
بو حركتين اٶزه لليكله سونوجلاري باخيميندان بوتونويله و يوزده يوز
آزربايجان و تورك خالقينين علئيهينه اولدوغو گٶزله مله نه جكدير
(موشاهيده اولوناجاقدير): ١- مشروطه حركتي، فارس
ميللييتچيلييي و فارس ميللييتچيلرينين قاجار تورك اركله تينين
(دٶولتينين) گٶوده سينه داراشما، اونا بوتونويله حاكيم اولما و
اونو –باشيندا بير تورك آزربايجانلي خاقان (شاه) دورسا دا- ايچدن
اله گئچيرمه لريني ساغلاميشدير. ٢- مشروطه حركتي ييرمي ايل
كيمي قيسسا بير سوره ده، تورك آزربايجان قاجار دٶولتينين ييخيلماسي
و ايران´لا بيرليكده گونئي آزربايجاندا دٶولت- سيياسي ايقتيدارين
تورك خالقينين اليندن چيخماسي ايله سونوجلانيبدير. بئله جه تورك
خالقي مين ايللردن سونرا ايلك دفعه دٶولتسيزله شيبدير. ٤- "انجمنهاي ايالتي و
ولايتي" ايله، داها اٶنجه دن ايران´ا حاكيم اولان تورك دٶولتلرينين
ايداري دوزگه سينده كي (سيستئمينده كي) "ممالك محروسه" قاورامي،
ايران´ين دٶولت و سيياسي كولتوروندن سيلينيب سيليمله نميشدير (حذف
اولموشدور). بونونلا دا آزربايجان´ين بير اٶزگون "مملكت" و اولكه
اولدوغو گئرچه يي دانيلميش و ايران´ين سيرادان بير بٶلگه سينه
چئوريلميشدير. ٥- "انجمنهاي ايالتي و
ولايتي" ياساسي ايله بيرليكده ايران´ين ايداري بٶلگوسونده (تقسيمات
اداري) رسمي بيچيمده آزربايجان´ين تورپاق بوتونلويو پوزولموشدور.
آزربايجان مملكتي بو ياسا ايله، آزربايجان ايالتي؛ زنجان، همدان،
عراق، گيلان، كوردوستان، كيرمانشاهان ويلايتلري آراسيندا
بٶلوشدورولموشدور. ٦- مشروطه آناياساسي ايله
بيرليكده- قاجارلارين قيزيلباش (تورك علويليك) مذهبينده
اولمالارينا رغمن- فارسلارين مذهبي اولان ايمامي شيعيليك دٶولت
رسمي ديني قونومونا ديرمانديريلميشدير. بو آدديملا خالقيميزين
ديلينين فارسلاشماسينا اك اولاراق، دين باخيميندان دا
فارسلاشماسينين يولو آچيلميشدير. "انجومن-ي آزربايجان"
يانيلقيسي مشروطييت حركتينه قوشوت
(موازي) اولاراق، بو دٶنه مده قورولان آزربايجان انجومني ده،
دئييله نلرين ترسينه - قاجار دٶولتين باشي و مشروطه حركتينين
باشچيليغي توركلرين و آزربايجانليلارين الينده اولماسينا رغمن- آنا
جيزقيلاردا فارسچي بير سيياست ايزله ميشدير. بو انجومنده توپلانان
آيدينلارين، گنه لده تورك ميللي بيلينجدن (شوعوردان) محروم و ايران
اٶزه كلي (مركزلي) اولدوقلاري سٶيله نه بيله ر. بونلار آزربايجان
انجومنلرينده، فارسجايا توغرالي (رسمي) و اوستون بير قونوم
باغيشلياراق، ترجه ي توغرادان (رسمييتدن) دوشورموش و رسمي آلانلاردا اونو
ايشه يارامايان بير ديل حالينا گتيرميشديرلر. انجومن و اونو
اولوشدوران آيدينلارين، آزربايجانلا تورك خالقينين ديلسيزله
شديريلمه سينده، ايران´ين ياخين تاريخينده توركجه نين آستين (خور)
و فارسجانين اوستون ديل گٶرونمه دبينين يئرله شمه سينده تاريخي
سوروملولوق و سوچلاري واردير: ١- بو انجومنين ياييملاديغي
اورقان-قزئت، بير نئچه قوشوغو (شئعري) چيخارساق، بوتونويله فارس
ديلينده ياييملانيردي.
٢- بو انجومن اويه لييينه
(عوضولويونه) سئچيلمه نين قوشوللاريندان (شرطلريندن)
بيري–آزربايجان´ين ديلي اولان توركجه دئييل- فارسجا بيلمك اولاراق
بليرتيلميشدي. بئله جه توركجه بيلمك انجومنلره اويه لييين قوشولو
(شرطي) اولاراق گٶرولمه دييي كيمي، يالنيز توركجه بيله نلر ده
انجومنلره اويه اولماقدان يوخسون (محروم) بيراخيلميشلاردير. ٣- "انجمنهاي ايالتي و
ولايتي" آدلانان قوروملارين ياساسيندا، ايراندا ايلك كز رسمي
قوناملارا (مقاملارا) آتانماق اوچون فارسجا اوخور-يازار (باسواد)
اولماق قوشولو (شرطي) گتيريليبدير. بو يانليش توتومونسا
(موضئعينسه)، فارس ديلينين ييرمينجي يوز ايل ايران´يندا توغرالي
(رسمي) و اركله ت (دٶولت) ديلي اولما آيريجاليغي قازانماسي، و تورك
ديلينين بو قونوملاريني ايتيرمه سينده اولدوقجا بليرله ييجي
ائتگيسي اولوبدور. ايران´ي قورتارماق آدينا،
آزربايجان´ي اونوتماق بو قونو ايله ايلگيلي
آشاغيداكي آلينتي وارليق درگيسيندندير: (مشروطييت دٶنه مي
آزربايجاندا (ايراندا) توركجه مطبوعات و نشرييات-١.
وارليق، ٢٧.نجي ايل، پاييز و قيش، ٣٨٤، سايي ١٣٩-١٣٨") "انجومن قزئتينين ايلك
ساييسي ١٩٠٦ (١٣٢٤) ايلينده تك بير صحيفه شكلينده تبريزده
يايينلانميشدير.... مشروطييت اينقيلابي سايه سينده اورتايا چيخان
ايالت و ويلايت انجومنلري آراسيندا ان اٶنه ملي و گوجلو مٶوقئعه
صاحيب اولان "تبريز ميللي انجومني"نين اورقاني اولاراق يايينلانان
"انجومن" قزئتي، يالنيز تبريز و آزربايجان´ين دئييل، ايران´ين هر
طرفيندن اٶزه لليكله ده تئهران´دا جريان ائده ن مشروطييت خبرلريني
ائحتيوا ائتديييندن چوخ اٶنه ملي بير يئره صاحيبدي. قزئت
بعضي ساييلاريندا چيخان بير نئچه شئعري ايستيثنا سايماقلا
تامامن فارسجادير.... قزئتين ١٠٧ نجي
ساييسيندان ائعتيبارن ايالت و ويلايت انجومنلرينين قانون لاييحه سي
سيرايلا يايينلانميشدير. لاييحه يه گٶره هر بير ايالتده انجومن
آدلي بير ايالت انجومني (مجليسي) اولوشدورولماليدير. انجومن
عوضولري خالقين سسي ايله سئچيلير. سيچيجيلرين ايران تبعه سي و ٢١
ياشين اوزه رينده اولماسي، ايالتده ائوي و مولكو بولونماسي، يا دا
بير باشا وئرگي وئرمه سي شرطدير. قادينلار سئچيملره قاتيلابيلمه
زلر. آدايلار (كانديدالار) ايسه، ان آز ٣٠ ياشيندا اولدوب،
فارسجا اوخوما-يازماغي بيلمه ليديرلر. مشروطييت آناياساسيندا
(قانون اساسي) رسمي ديلدن سٶز ائديلمه دييي حالدا، فارسجا
اوخوما-يازما بيلمه نين شرط اولاراق بليرله نمه سي و دولاييسي ايله
ده ساده جه توركجه اوخوما-يازما بيله ن بير اينسانين آزربايجان
انجومن سئچيملرينه كانديدا اولماقدان محروم ائديلمه سي، مشروطييت
دٶنه مينده فارس ديلينين داها رسمي بير ايستاتو قازانماسينا يول
آچان و توركجه نين آرتيق رسمي مركزلرده بير ايشه ياراماياجاغي
آنلامينا گله ن بو مادده، توركلرين مشروطييت دٶنه مينده
اوغراديقلاري ان بٶيوك ضرر اولموشدور. مركزي حٶكومتين توركلرين
الينده بولونماسي و مشروطييت حركتي بايراغينين دا آزربايجانليلار
الينده اولماسي، توركجه نين ده فارسجانين يانيندا رسمي ايستاتو
قازانابيلمه سي اوچون الوئريشلي بير شراييط ياراتماسينا رغمن،
آزربايجان آيدينلاري بوتون ايران´ي قورتارماق آدينا، آزربايجان´ي
تامامن اونوتموشلار....." هارادا يانيلديق، نه دن
يئنيلديك؟ گٶروندويو كيمي، ايران
مشروطيت حركتي سونوجوندا تورك خالقي اٶز ميللي-تاريخي دٶولتيني
ايتيرميش، دٶولتسيزله شه ره ك فارس خالقينين سيياسي بويوندوروغو
آلتينا گيرميش، فارسجا ايراندا گئده ره ك بيرجه توغرالي (رسمي) و
اركله ت (دٶولت) ديلي اولما آيريجاليغيني الده ائتميش، فارس ايمامي
شيعيلييي تورك خالقي و آزربايجان´ين رسمي و دٶولت مذهبي-ديني
اولموش؛ آزربايجان اٶلكه سي يوز ايللردن بري يييه اولدوغو رسمي
"مملكت" قونومونو ايتيريب، تورپاق بوتٶولويو پوزولموشدور. تورك خالقي و گونئي
آزربايجان´ين وارليغيني دانان و گله جه ييني يوخ ائده ن بئله بير
حركتي، قوتلانماسي گره كه ن بير اولاي اولاراق گٶرمك اولاسي
(مومكون) دئييلدير. اوچرا (چونكو) بو، تاريخي، باشيميزا گله نلري،
ندن باشيميزا گلديكلري و بيزيم اونلارداكي پاييميزي آنلاماماق،
گٶرمه مك دئمكدير. بوگون بيزيم ديلسيز بير خالق اولاراق
ياشاماغيميزدا، سون يوز ايلده ياپديغيميز يانليشليق و يانيلقيلارين
چوخ بٶيوك پايي واردير. ايران مشروطييت حركتي بونلارين ان اٶنه
مليسيدير. ايران مشروطه حركتي، سون يوز ايللرده تورك خالقي و گونئي
آزربايجان´ين اوغراديغي ان آغير يئنيلگي و يئدييي ان سارسيتيجي
گوپسه ك (ضربه) دير. بيزجه مشروطه حركتيني بير ميللي باشاري دييه
آلقيلاماق و ده يه رله نديرمك، گونئي آزربايجان و ايران توركلري
طرفيندن، يئته رينجه دوشونولمه دن، اينجه له نمه دن و ايرده له نمه
دن منيمسه نميش – بوندا ييرمينجي يوزايل بويونجا فارس ميللييتچيلري
و سولچولارينين تبليغاتي و معنوي باسقيسينين دا اوينامي (رولو)
واردير- يانليش بير داورانيشدير.
سٶزلوك: آتانماقAtanmaq
: منصوب شدن آچيAçı
: زاويه آخيمAxım
: جريان آستينAstın
: پست، خوار آغيرلاماقAğırlamaq
: گرامي داشتن، بزرگداشتن آلانAlan
: عرصه آلپAlp
: قهرمان، دلاور آلقيلاماقAlqılamaq
: ادراك كردن آلينتيAlıntı
: اقتباس آنجاقAncaq
: اما، لاكن آنماقAnmaq
: ذكر كردن آيريجاليقAyrıcalıq
: امتياز ائتگيليEtgili
: موثر اركله تƏrklət
: دولت اوچراUçra
: چونكه، زيرا
اوخوريازارOxuryazar
: باسواد اوستونÜstün
: برتر اوغراماقUğramaq
: مواجه شدن اولاسيOlası
: ممكن اولايOlay
: حادثه اولوسالUlusal
: ملي اوينامOynam
: رل اويهÜyə
: عضو ايچه ريكİçərik
: مضمون ايرده له
مكİrdələmək
: تدقيق كردن ايزله مكİzləmək
: تعقيب كردن ايگيدİgid
: دلاور، جسور اٶزگونÖzgün
: اصيل اٶزه كÖzək
: مركز باخيمBaxım
: منظر، نقطه نظر باشاريBaşarı
: موفقيت باشاريليBaşarılı
: موفق باهاديرBahadır
: قهرمان، دلاور بليرتمكBəlirtmək
: معين كردن بليرله
ييجيBəlirləyici
: تعيين كننده بودونBudun
: خلق، توده مردم بيرجهBircə
: يگانه بيلينجBilinc
: شعور ترپه نيشTərpəniş
: حركت توتومTutum
: موضع تورپاق بوتونلويوTorpaq
bütünlüyü :
تماميت ارضي توغراTuğra
: رسميت توغراليTuğralı
: رسمي جيزقيCızqı
: خط خاقانXaqan
: پادشاه دبDəb
: مد دوزگهDüzgə
: سيستم سارسيتماقSarsıtmaq
: تضعيف كردن سوچSuç
: گناه
سوروملولوقSorumluluq
: مسئوليت سورهSürə
: مدت سونماقSunmaq
: تقديم كردن، عرضه كردن سونوجSonuc
: نتيجه سيرادانSıradan
: پيش پا افتاده سيليمله
مكSilimləmək
: حذف كردن قازانيمQazanım
: دست آورد قاورامQavram
: مفهوم قوتلاماقQutlamaq
: مبارك داشتن، جشن گرفتن قوچاقQoçaq
: پهلوان قوشوتQoşut
: موازي قوشوقQoşuq
: شعر قوشولQoşul
: شرط قونامQonam
: مقام قونومQonum
: موقعيت گوپسه كGüpsək
: ضربه شديد گٶزله مله
مكGözləmləmək
: مشاهده كردن گٶودهGövdə
: بدنه يئته
رينجهYetərincə
: بقدر كافي يئنيلگيYenilgi
: مغلوبيت، شكست يانليشYanlış
: غلط، نادرست يانيلقيYanılqı
: اشتباه، توهم
ياييملاماقYayımlamaq
: منتشر كردن يوخسونYoxsun
: محروم يوز ايلYüzil
: قرن يييهYiyə
: صاحب، مالك يٶنه تگيYönətgi
: سياست يٶنه تگيلYönətgil
: سياسي |
||